DHANDHANGGULA
Dhedhep tidhem prabawaning ratri,
Sasadara wus manjer kawuryan,
Tan kuciwa memanise,
Menggep srina teng dalu,
Siniwaka sanggyaning dasih ,
Aglar neng cakrawala,
Winulat ngelangut ,
Prandene paksa kebekan,
Saking kehing tarang gana kang sumiwi,
Warata tanpa sela .
Tembung wigati:
ratri : wengi
sasadara: rembulan
kawuryan: ketara
ASMARADANA
Poma-poma wekas mami,
Anak putu aja lena,
aja katungkul uripe,
lan aja duwe kareman,
marang pepaes donya,
siyang dalu dipunemut,
yen urip manggih hantaka.
Tembung wigati:
poma-poma: wanti-wanti
lena: ora ngati-ati
wekas: weling
hantaka: mati